Skip to content

Lescht Erënnerungen schafen

Eng lescht Geleeënheet, fir säin Doheem ze gesinn, sech vu sengem Hausdéier ze verabschiden, en Ausfluch bei de Séi ze maachen, de Sonnenënnergang ze erliewen, oder esou guer e Concert ze genéissen oder e Sportévenement ze besichen. Eng lescht Chance, sech mat Frënn oder der Famill ze treffen, bei enger Hochzäit oder der Opféierung vu sengem Kand derbäi ze sinn. Wann een onheelbar krank ass, dann zielt all Ablack. 

Eist Zil ass et, onbeweeglech, stierweskrank Mënschen dobäi z’ënnerstëtzen, dat Bescht aus dësem Ament ze maachen. Een, dee glécklech mécht, dee Klinicken, Behandlungen a Krankheet fir eng kuerz Zäit vergiesse léist, an deen d’Opmierksamkeet vum endgültegen Ofschid, deen ëmmer méi no réckelt, ewech lenkt.

En erfëllte Wonsch ass dat Schéinst, wat et gëtt: eng wäertvoll an vergiesslech Erënnerung, fir eis Déngschtleeschtungshueler, fir hir Familljen, a fir déi Fräiwëlleg, déide Wonsch erméiglecht hunn.

The gentleman went to his mobile home
Fulfilling wish @Forest
@ Schueberfouer
Flammekucnen @ Gerardmere
A day filled with kittens
Shopping tour Auchan
@Zeeland
At the spa in Amneville

Aleedung

Mir sinn d‘Ambulanz Wonsch ASBL. Hanner dësem Numm stécht d’Iddi, mat Hëllef vu Fräiwëllegen an onsen eegenen Ambulanzen di läscht Wënsch vun onheelbar kranke Patienten z'erfëllen.

Et gëtt ëmmer nach ze vill Patienten, di stierwen, ouni dass si an dëser leschter Phase vun hirem Liewen nach eppes Schéines maache konnten. Eng vun den Ursaachen ass d’Onméiglechkeet, bestëmmte Wënsch ze verwierklechen, well de Patient net méi mobil ass, an aner existent Méiglechkeeten net duer ginn... liesen méi

D’Aufgab vun Ambulanz Wonsch

Ambulanz Wonsch huet sech et zur Aufgab gemaach, Mënschen, di um Enn vun hirem Liewe betreit musse ginn a bettlägerech sinn, d’Mëttel,
de Spezialtransport an d’medezinesch Versuergung zur Verfügung stellen, déi se brauche fir Erënnerungen ze schafen an hire leschte Wonsch z'erfëllen.

Wëllt dir een oder méi Wënsch wouer gi loossen?

Weg. spent iwwer IBAN:LU08 0030 3594 0251 0000
Code BIC: BGLLLULL attn. Ambulanz Wonsch

Wéi alles ugefaangen huet

Ech stellen Iech d’Yvette fir, eng schéin an intelligent Fra ëm déi 40, Mamm vu 4 Kanner, déi hire Beruff an hirt Liewen gär huet. Staark a kämpferesch gëtt si dem Kriibs Meeschter, zumindest hu mir dat geduecht. Si ass glëcklech zréck op d’Arbescht an zréck an hirt Liewe gaangen, mee staarke Kappwéi huet dozou gefouert, datt si ërem bei den Dokter gaangen ass. Diagnos: Gehiirtumor. Prognos: Nëmmen nach e puer Wochen.

Wärend jidderengem d’Wieder gefeelt hunn, ass d’Yvette stark bliwwen, an huet akzeptéiert, dass si misst lassloossen. Hir Kollegen hu sech mat „Ambulance Wens Nederlands“ a Verbindung gesat, an hunn fir d’Erfëllung vum leschte Wonsch vum Yvette gefrot. 

Wéi si dovun héiren huet, datt d‘Organisatioun vun hierem Wonsch vun „Ambulance Wens Nerderland“ gemaach géif ginn, war si am Ufank rosen. Dono huet si erkläert : „Obwuel ech geduecht hunn, ech kéint et aleng packen, konnt ech den Dag dank dem Ambulanzteam wierklech genéissen. Dat wa alles, wat ech gebraucht hunn.“  

Dag dank dem Ambulanzteam wierklech genéissen. Dat wa alles, wat ech gebraucht hunn.“ Eng leschte Kéier ass si an déi Stad gefuer, an där si op d’Welt komm ass. Si huet hir al Schoul besicht, de Café, an deen si als Kand ëmmer gaangen ass. Si huet d’Haus vun hiren Eltere besicht, a konnt sech bei hire Léiwen ausrouen, einfach doheem sinn, Duechter sinn, op der Fotell léien, de Mupp heemelen. En Ament Normalitéit an Trouscht an der begrenzter Zäit, déi hier nach bliwwen ass.

 Well si fréier Dänzerin war, ass et ausserdeem an den Theater gaangen, an dem si fréier gedanzt huet. Do huet si, wärend si op der Brëtsch louch, de leschten Danz mat hirem eemolegen Danzproff gedanzt – mat engem breede Laachen um Gesicht.

Wéi d’Karen van Hout dat Laachen op hirem Gesiicht gesinn huet, déi Freed, déi si emfonnt huet, déi Léift, déi si ëmginn huet, ass hir d‘Auswierkung vun „Ambulance Wens Netherlands“ bewosst ginn. De Pouvoir, de leschte Wonsch vu Mënschen z‘erfëllen, hinnen eng leschte Kéier e schéinen Dag ze schenken.

Deeg wéi déi sinn e wëllkommene Liichtbléck an der schwéierer Zäit, déi si duerchmaache mussen. Déi Deeg sinn voller wonnerbarer Erliefnesser a schéinen, onvergiesslechen Erënnerungen.

Nodeems mir dësen Zauber erlieft hunn, an elo wëssen, dass et méiglech ass eppes dat onméiglech schéngt z‘erfëllen, an ons der Auswierkung fir de Patient an seng Famill bewosst sinn, freeën mir eis, dëst häerzlecht a wueltätegt Wierk och zu Lëtzebuerg wëllkomm ze heeschen.

"Obwuel ech geduecht hunn, ech kéint et eleng schaffen, konnt ech den Dag dank dem Ambulanzteam wierklech genéissen. Et wa alles, wat ech gebraucht hunn.“

Wish stories / Wonschgeschichten

Mir sinn Ambulanz Wonsch

D’Initiativ Ambulanz Wonsch baséiert op engem niederlännesche Modell – der Stichting Ambulance Wens. Viru fofzéng Joer, wéi sech den Transport vun engem Patient mam Numm Mario Stefanutto verzögert huet, huet de Kees Veldboer, deemools Ambulanzchauffeur an den Niederlanden, gefrot, ob en iergendwou hifuere wéilt.

De Séimann an der Pensioun huet gesot, en géif den Hafe vu Vlaardingen gären nach emol gesinn. De Kees huet net laang iwwerluecht, an de Mario bei den Hafe gefouert. Wärend dem Fueren huet de Kees de Mario gefrot, op deen nach eng Kéier seegele wéilt... liesen méi

Dem Mario seng Wierder "Ët erfëllt mech mat Freed, ze wëssen, datt et nach Mënsche gëtt, déi sech em anerer këmmeren. No deem, wat ech erlieft hunn, hat dëse Geste, d’Erfëllung vu mengem Wonsch, e groussen Afloss op mech.“

Gitt e Wonsch of

Wann dir eise Service wëllt an Usproch huelen, oder ee kennt, deen e leschte Wonsch huet, da fëllt wannechgelift eisen Untragsformular op der Website aus, a mir wäerten Iech esou schnell wéi méiglech kontaktéiren. 

E Wonsch spenden

All Ambulanz Wënsch si GRATIS. D'Ambulanz Wonsch kann dat awer net ouni Spende vu ville generéise Mënsche, Veräiner an Betriber maachen.

Ginn e Benevolat

Mir sichen ëmmer no Fräiwëlleger: Paramediker, Dokteren, Professionnel Chauffeuren, Fotografen, Videografen, Fundraisers, Büro Fräiwëlleger, Iwwersetzer, a méi.

Partner a Sponsoren

gb
logo exploreo.com the sustainable holiday provider
image002
zoll
v op wit
WhatsApp Image 2022-01-03 at 2.44.39 PM
logo chl patienten house
Logo_vector[40][91]
logo automobile club luxembourg
Logo_PA_2024
Telefonsnummer (8.30-17.00)

+352-691 644 150

Adress

Ambulanz Wonsch ASBL
31 rue Principale
8805, Rambrouch, Luxembourg

E-Mail

info@ambulanzwonsch.lu